پاکستانیوں کو امریکہ جانے کے لئے اب ویزا درکار نہیں

تسنیم نیوز ایجنسی کے مطابق، امریکہ نے پاکستان کو ان ممالک کی فہرست میں شامل کر لیا ہے جن کو امریکہ جانے کے لئے ویزے کی ضرورت نہیں ہے۔

خبررساں ادارے جیو نیوز نے خبر دی ہے کہ امریکی محکمہ خارجہ نے پاکستانی پاسپورٹ کو ویزا سے استثنی قرار دے دیا ہے۔

لہٰذا اب پاکستان کے شہری سیاحت یا کاروبار کی غرض سے ویزے کے بغیر بھی  امریکہ جاسکیں گے۔

تفصیلات کے مطابق، پاکستان اس پروگرام کے تحت سہولتوں سے استفادہ حاصل کرنے والا 39 واں ملک ہے۔

پاکستان سے قبل برطانیہ، اسپین، فرانس، جرمنی، جاپان، اٹلی، ڈنمارک، سویٹزرلینڈ، سنگاپور اور آسٹریلیا سمیت 38 ممالک کو امریکہ میں داخل ہونے کے لئے ویزہ درکار نہیں تھا۔

امریکی وزیر خارجہ جان کیری نے اس خبر کی تصدیق کرتے ہوئے کہا ہے کہ محکمہ خارجہ نے یہ فیصلہ دہشت گردی کے خلاف عالمی جنگ میں پاکستان کی جانب سے مدد کرنے پر کیا ہے۔

واضح رہے کہ پاکستانی عوام خصوصا نوجوان طبقہ اس خبر سے کافی پرجوش دکھائی دے رہے ہیں۔

ویزے سے استثنیٰ ہو جانے کے بعد پاکستانی عوام کے لئے تعلیم، سیاحت اور کاروبار کے نئے دروازے کھل گئے ہیں۔