سعودی بادشاہی نظام کو درپیش چیلنجز "بن سلمان" کو اسلام آباد کھینچ لائے

تسنیم نیوزایجنسی کی رپورٹ کے مطابق، سعودی عرب کے وزیر دفاع محمد بن سلمان آج (اتوار) کو اسلام آباد پہنچ رہے ہیں۔
پاکستانی میڈیا نے بن سلمان کے دورے کو نہایت اہم قرار دیا ہے۔

رپورٹ کے مطابق، سعودی وزیر دفاع مشرق وسطیٰ کی صورتحال اور سعودی عرب کے شاہی نظام کو درپیش چیلنجوں پر پاکستان کے وزیراعظم سے ملاقات اور تبادلہ خیال کریں گے۔

کہا جاتا ہے کہ پاکستان کے وزیراعظم محمد بن سلمان کو عشائیے کے لئے بھی دعوت دیں گے۔

یمن جنگ کے آغاز کے بعد سےسعودی عرب اس جنگ کو جیتنے کے لیے پاکستانی فوج کی تعیناتی کا خواہاں ہے لیکن پاکستانی عوام، سیاسی اور مذہبی جماعتوں کے سخت رد عمل کی وجہ سے ریاض کےمطالبے کو مسترد کر دیاگیا ہے۔

اب انتظار کرنا پڑے گا کہ سعودی وزیر دفاع کے نئےدورے کا پاکستانی حکومت کی طرف سےکیا رد عمل سامنے آتا ہے۔