اسرائیل کی سرکاری ٹیلی ویژن ہیک!!! اذان کی براہ راست نشریات

خبر رساں ادارے تسنیم کے مطابق، نامعلوم ہیکرز نے صہیونی حکومت کی جانب سے اذان پر پابندی کیخلاف بل پاس کرنے پر ردعمل ظاہر کرتے ہوئے دو اسرائیلی چینلز کو ہیک کر دیا ہے۔

تفصیلات کے مطابق، صہیونی چینلز پر اذان اس وقت نشر ہونے لگی جب اسرائیلی خبرنامہ نشر کر رہے تھے۔

فلسطینی میڈیا سیل کے مطابق، اسرائیلی سرکاری ٹیلی ویژن دیکھنے والے ناظرین اچانک اذان نشر ہونے پر حیران رہ گئے۔

بعد ازاں تحقیقات سے معلوم ہوا کہ اسرائیلی سرکاری ٹیلی ویژن کے دوسرے اور دسویں چینل کو ہیک کر دیا گیا ہے۔