کابل: داعش کے خودکش حملے میں 5 شہری شہید، 3 زخمی

خبر رساں ادارے تسنیم کے مطابق داعش کی جانب سے کابل شہر کے مرکزی حصے میں ہونے والے خودکش دھماکے میں عام شہری شہید ہوئے ہیں۔

پولیس حکام کا کہنا ہے کہ خودکش حملہ آور نے کابل شہر کے مرکزی حصے میں خود کو دھماکہ خیز مواد سے اڑایا۔

دھماکے کے نتیجے میں 5 افراد ہلاک جبکہ 3 زخمی ہو گئے۔

زخمیوں کو فوری طور پر قریبی اسپتال منتقل کر دیا گیا ہے۔

خودکش بمبار نے صدارتی محل کے انتظامی امور کے دفتر کے گیٹ پر اس وقت حملہ کیا جب حکومتی اہلکار اپنے گھروں کو جا رہے تھے۔

واضح رہے کہ شدت پسند تنظیم داعش نے حملے کی ذمہ داری قبول کر لی ہے۔