لندن حملوں میں پاکستانی دہشتگرد بھی شامل؛ برطانوی حکام کی تصدیق


لندن حملوں میں پاکستانی دہشتگرد بھی شامل؛ برطانوی حکام کی تصدیق

برطانوی سیکورٹی حکام نے تصدیق کی ہے کہ لندن میں 2 روز قبل ہونے والے دہشت گردانہ حملوں میں ملوث تین افراد میں ایک پاکستانی بھی شامل ہے۔

خبر رساں ادارے تسنیم کے مطابق وال اسٹریٹ جرنل نے لکھا ہے کہ برطانوی سیکورٹی حکام نے تصدیق کی ہے کہ لندن میں 2روز قبل دہشت گردی کا حملہ کرنے والے تین افراد میں ایک پاکستانی دہشت گرد بھی شامل ہے۔

اطلاعات کے مطابق لندن میں ہونے والے دہشت گردانہ حملوں کا تعلق بین الاقوامی دہشتگردوں سے ہے۔

برطانیہ کے ویسٹرن سیکورٹی حکام نے تصدیق کی ہے کہ لندن برج کے تین حملہ آوروں میں سے ایک حملہ آور پاکستان میں پیدا ہوا۔

پولیس حکام کے مطابق ابھی اس بارے میں پتہ نہیں چل سکا کہ یہ شخص برطانیہ میں کب آیا اور اسے برطانوی شہریت کب ملی۔

سکیورٹی حکام نے مزید کہا کہ لندن برج کے دیگر دو حملہ آوروں کی شہریت کے حوالے سے بھی ابھی کچھ واضح نہیں ہے۔

واضح رہے کہ دو روز قبل لندن برج اور بارو مارکیٹ کے قریب تین حملہ آورں نے پہلے لوگوں کو گاڑی کے نیچے کچل ڈالا اور پھر لوگوں پر چاقووں سے بھی حملے کیے جس کے نتیجے میں 7افراد ہلاک اور 48سے زائد زخمی ہو گئے تھے۔

اس حملے کی ذمہ داری بین الاقوامی وہابی دہشت گرد اور کالعدم تنظیم داعش نے قبول کی۔

دوسری جانب برطانوی پولیس نے لندن حملوں میں ملوث ہونے کے شبے میں اب تک 12افراد کو گرفتار کیا ہے جن میں7خواتین بھی شامل ہیں۔

اہم ترین پاکستان خبریں
اہم ترین خبریں
خبرنگار افتخاری