کانگو: جیل پر نامعلوم افراد کا حملہ، 11 قیدی ہلاک 923 فرار

خبررساں ادارے تسنیم کے مطابق گانگو کے شہر گوما میں قائم گنگوائی جیل پر نامعلوم مسلح افراد نے دھاوا بول دیا جس کے نتیجے میں 923قیدی فرار ہوگئے۔

سیکورٹی فورسز اور حملہ آوروں کے درمیان فائرنگ کے تبادلے میں 11 افراد ہلاک بھی ہوئے ہیں جبکہ جیل میں صرف33قیدی رہ گئے ہیں۔

پولیس نے جیل کے اطراف میں موجود قصبوں میں کرفیو لگا کر قیدیوں کی تلاش شروع کردی ہے تاہم تاحال کسی بھی قیدی کو دوبارہ گرفتار نہیں کیا جا سکا۔

واضح رہے کہ جیل میں کل966قیدی موجود تھے مگر حملے کے بعد جیل میں صرف33قیدی ہی بچے تھے۔

یاد رہے کہ کانگو میں جیل ٹوٹنے کا یہ دوسرا واقعہ ہے۔