بنگلہ دیش میں بارشوں اور لینڈ سلائیڈنگ نے تباہی مچا دی؛ ہلاکتیں 134 تک جا پہنچیں

خبررساں ادارے تسنیم کے مطابق بنگلہ دیش کے جنوب مشرقی پہاڑی اضلاع میں شدید بارشوں کے بعد ہونے والی لینڈ سلائیڈنگ 134 افراد کو نگل گئی ہے۔

ریسکیو حکام کے مطابق چٹانیں گرنے کے سے ایک گاوں میں 10 افراد، اور دیگر کئی گاوں میں بھی بڑی تعداد میں افراد ہلاک ہوئے ہیں۔

علاوہ ازیں اس قدرتی آفت کی زد میں آ کر درجنوں افراد زخمی ہو چکے ہیں۔

تاہم ابھی یہ تعداد پولیس سمیت دیگر ادارے جاں بحق اور زخمی افراد کی جانچ پڑتال میں مصروف ہے۔

خیال رہے کہ طوفانی بارشوں اور لینڈ سلائیڈنگ سے کئی علاقوں سے زمینی اور رابطے بھی منقطع ہوگئے ہیں جس سے امدادی کارروائیوں کو مشکل کا سامنا ہے۔

راستوں کی بحالی اور چٹانوں کا ملبہ ہٹانے پر بھی کام شروع کر دیا گیا ہے۔

دوسری جانب ریسکیو اور امدادی ٹیموں کی جانب سے ہلاکتوں میں اضافے کا خدشہ بھی ظاہر کیا جا رہا ہے۔

واضح رہے کہ 2007 میں چٹاگانگ میں بڑے پیمانہ پر لینڈ سلائیڈنگ سے 1300 افراد ہلاک ہو گئے تھے۔

گنجان آبادی والے ملک بنگلہ دیش میں برسات کے موسم میں طوفان، سیلاب اور مٹی کے تودے گرنے کے واقعات پیش آتے رہتے ہیں۔