امریکہ کے بعد اقوام متحدہ کی بھی شمالی کوریا پر پابندیاں

خبر رساں ادارے تسنیم کے مطابق امریکہ کے بعد اقوام متحدہ کی سیکورٹی کونسل نے بھی شمالی کوریا پر نئی پابندیاں عائد کر دیں۔

واضح رہے کہ یہ پابندیاں شمالی کوریا کی جانب سے میزائل تجربات پر عائد کی گئی ہیں۔

ذرائع کے مطابق نئی پابندیوں کا بل امریکہ کی جانب سے پیش کیا گیا تھا جسے سیکورٹی کونسل نے متفقہ طور پر منظور کر لیا ہے۔

بل کے تحت شمالی کوریا سے کوئلے سمیت دیگر معدنیات کی برآمدات پر پابندی ہو گی۔

نئی پابندیوں کے باعث شمالی کوریا کو سالانہ ایک ارب ڈالر کا نقصان ہو گا۔ بل کے تحت شمالی کوریا کی 9 شخصیات اور 4 اداروں کو بھی بین کیا گیا ہے۔

ان شخصیات اور اداروں کے اثاثے منجمد جبکہ سفر پر پابندیاں عائد کر دی گئی ہیں۔