محرم الحرام؛ گلگت میں شرپسندوں کے ساتھ ساتھ امن پسندوں پر بھی پابندی

تسنیم نیوز نے علاقائی ذرائع ابلاغ کے حوالے سے بتایا ہے کہ گلگت انتظامیہ نے پر امن شیعہ علمائے کرام کے محرام الحرام میں گلگت شہر میں داخلے کی پر پابندی عائد کردی ہے۔

ڈپٹی کمشنر گلگت محمد حمزہ سالک نے ایس ایس پی کی سفارشات پر مشہور و معروف شیعہ علمائے کرام کے گلگت داخلے پر پابندی عائد کردی ہے۔

گلگت بلتستان میں مسلم لیگ ن کی حکومت نے پانچ شیعہ علماء کے گلگت داخلہ پر پابندی عائد کردی ہے جس میں اسلامی تحریک کے رہنما علامہ سید ساجد علی نقوی، علامہ عار ف واحدی  اور مجلس وحدت مسلمین کے رہنما علامہ راجہ ناصر عباس جعفری، علامہ امین شہیدی اور علامہ اعجاز بہشتی شامل ہیں۔

واضح رہے کہ حکومت گلگت بلتستان کی جانب سے کلعدم تنظیموں کے بعض شرپسندوں کے بھی گلگت داخلے پر پابندی عائد کردی ہے جسے عوامی سطح پر خوشایند قرار دیا جارہا ہے۔