کرد ریفرنڈم کے حوالے سے اسرائیلی سازش اور اہم عرب ملکوں کا موقف

خبر رساں ادارے تسنیم کے مطابق بعض عرب ممالک اسرائیل کی طرح عراق سے کردستان کی علیحدگی کے حامی نکلے۔

برطانوی اخبار ٹائمز نے انکشاف کیا ہے کہ سعودی عرب نے اسرائیل کیساتھ اس معاملے پر خفیہ طور پر اتفاق کر لیا ہے جبکہ امارات نے بر ملا اعلان کیا ہے کہ وہ کردستان کی عراق سے علیحدگی کے حق میں ہے اور اگر کردستان علیحدہ ہوتا ہے تو امارات کردستان کو بطور آزاد ریاست تسلیم کریگا۔

برطانوی اخبار کی رپورٹ کے مطابق کردستان کی علیحدگی کے حامی ان تینوں ممالک کی نظر میں کردستان کی علیحدگی کے بعد ان کے ایک دوست اور اشاروں پر چلنے والے ملک کردستان کی ایران کیساتھ سرحدیں ہونگی جو ایران میں عدم استحکام کو فروغ دینے کیلئے ان کے لیے کافی حد تک کار آمد ثابت ہونگیں۔