مشرقی سرحد پر خطرات کے جواب میں ہماری تیاریاں کم نہیں ہونی چاہئیں، آرمی چیف
پاک فوج کے سربراہ جنرل قمر جاوید باجوہ نے کہا ہے کہ مشرقی سرحد پر خطرات کے پیش نظر جواب میں ہماری تیاریاں کم نہیں ہونی چاہئے۔
خبر رساں ادارے تسنیم کے مطابق جنرل قمر جاوید باجوہ نے پاک فوج کی پیشہ ورانہ تیاریوں پر اطمینان کا اظہار کیا کرتے ہوئے کہا کہ مشرقی سرحد پر خطرات کے جواب میں ہماری تیاریاں کم نہیں ہونی چاہئیں۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے راولپنڈی میں کور ہیڈ کوارٹرز کا دورہ کیا جہاں کورکمانڈر جنرل ندیم رضا نے ان کا استقبال کیا۔
آئی ایس پی آر کے مطابق آرمی چیف کو کنٹرول لائن کی صورتحال پر بریفنگ دی گئی اور آپریشنل تیاریوں سے آگاہ کیا گیا جس پر سربراہ پاک فوج نے آرمی کی پیشہ ورانہ تیاریوں پر اطمینان کا اظہار کیا۔
اس موقع پر آرمی چیف جنرل قمر جاوید باجوہ نے سیز فائر کی خلاف ورزیوں پر پاک فوج کے مؤثر جواب کی تعریف کرتے ہوئے کہا کہ مشرقی سرحد پر خطرات کے جواب میں ہماری تیاریاں کم نہیں ہونی چاہئے۔
