سی پیک ائیر شو، پاک چین فضائیہ کے طیاروں نے شاندار کرتب کا مظاہرہ کیا

خبر رساں ادارے تسنیم کے مطابق ایئر شو کے دوران پاک فضائیہ کے ایف 7 پی جی اور چینی ایئرفورس کے جے ایف 10 طیاروں نے شاندار فضائی مظاہرہ کیا۔

تفصیلات کے مطابق فضائی مظاہرے کا انعقاد پاک فضائیہ کی جانب سے پی اے ایف بیس سمنگلی پر کیا گیاتھا۔

پاک چین اقتصادی راہداری کے حوالے سے پاکستان اور چین کی فصائیہ نے مشترکہ ائیر شو منعقد کیا ،وزیراعلی بلوچستان نواب ثنا اللہ زہری ایئرشو کے مہمانِ خصوصی تھے۔

اس موقع پر خطاب کرتے ہوئے نواب ثناءاللہ زہری کا کہنا تھا کہ پاک چین دوستی سمندروں سے گہری اور ہمالیہ سے اونچی ہے، بلوچستان کے عوام کی ترقی و خوشحالی کیلئے ٹھوس اقدامات کئے جارہے ہیں، آنے والے وقت کے ساتھ پاک چین دوستی مزید مستحکم ہو گی۔ ایئر شو کے انعقاد پر پاک فضائیہ کے مشکور ہیں، آنے والے وقت کے ساتھ پاک چین دوستی مزید مستحکم ہو گی۔

اس موقع پر دونوں ممالک کے اعلیٰ سول اور عسکری حکام کے علاوہ شائقین کی بہت بڑی تعداد بھی شریک تھی۔