بہت کوششوں کے باوجود راؤ انوار کا سراغ نہ ملا، آئی جی سندھ


بہت کوششوں کے باوجود راؤ انوار کا سراغ نہ ملا، آئی جی سندھ

آئی جی سندھ اے ڈی خواجہ نے کہا ہے کہ راؤ انوار کو ڈھونڈنے کی بہت کوشش کی لیکن تاحال کوئی سراغ نہ ملا عدالت کو آگاہ کردیا ہے کہ واٹس ایپ کال ٹریس نہیں ہوتی اس لیے راؤ انوار ٹریس نہ ہوسکا۔

خبررساں ادارے تسنیم کے مطابق حیدر آباد پولیس ہیڈ کوارٹر میں منعقدہ کیوکیشن کراٹے چیمپئن شپ میں میڈیا سے گفتگو کرتے ہوئے آئی جی سندھ نے کہا کہ راؤ انوار کی گرفتاری پولیس کا کام ہے اور یہ حقیقت ہے کہ پولیس ابھی تک اسے گرفتار نہیں کرپائی، راؤ انوار کو ڈھونڈنے کے تمام طریقے استعمال کرلیے لیکن تاحال کوئی سراغ نہیں ملا، عدالت کو بتادیا ہے کہ واٹس ایپ کال ٹریس نہیں ہوتی اس لیے وہ ٹریس نہ ہوسکا۔

آئی جی سندھ نے کہا کہ سندھ پولیس کے کمانڈر کی حیثیت سے کہتا ہوں کہ سندھ پولیس ایک بینر تلے متحد ہے جہاں پر بھی پولیس نے زیادتی کی تو ایسے افسر کے خلاف کارروائی ہوگی، سکھر اور کراچی میں پولیس افسران کے خلاف مقدمات بھی درج ہوئے ہیں اگر راؤ انوار کے خلاف کوئی اور بھی شکایت آئی تو اس کی بھی ضرور تحقیقات ہوں گی۔

اہم ترین پاکستان خبریں
اہم ترین خبریں
خبرنگار افتخاری