مستونگ میں ریموٹ کنٹرول بم دھماکا، مقامی ٹیچر جاں بحق، بیٹا زخمی
صوبہ بلوچستان کے ضلع مستونگ میں ریموٹ کنٹرول بم دھماکے کے نتیجے میں مقامی ٹیچر زخمی جبکہ ان کا بیٹاز زخمی ہوگیا۔
خبررساں تسنیم ادارے کی رپورٹ کے مطابق؛ ریموٹ کنٹرول بم دھماکا مستونگ کے نواحی علاقے کنڈاوہ میں ہوا۔
واقعے میں ایک مقامی ٹیچر عبدالرؤف جاں بحق جبکہ ان کا بیٹا زخمی ہوگیا، جسے طبی امداد کے لیے اسپتال منتقل کردیا گیا۔
لیویز ذرائع کے مطابق دھماکا اُس وقت ہوا جب عبدالرؤف اپنے بیٹے کے ساتھ اپنے بھائی کی قبر پر فاتحہ خوانی کے لیے جارہے تھے۔
دھماکے کے بعد سیکورٹی فورسز اور مقامی انتظامیہ نے علاقے کامحاصرہ کرلیا اور شواہد اکٹھے کرکے تحقیقات کا آغاز کردیا گیا۔
