روسی صدر پیوٹن نے پاک فوج کے 4جوانوں کو تمغہ دوستی سے نوازا

تسنیم خبررساں ادارے نے آئی ایس پی آر کے حوالے سے بتایا ہے کہ پاک فوج کے آرمی ایوی ایشن کے جوانوں نے 31 جولائی کو روسی کوہ پیما الیگزیندر گوکوف کی جان اس وقت بچائی تھی جب وہ گلگت بلتستان میں بیافو گلیشیئر ریجن میں ایک پہاڑی سر کرنے کی کوشش میں 25جولائی کو 20 ہزار فٹ کی بلندی پر اس وقت پھنس گئے تھے جب وہ ساتھی کوہ پیما کے ہمراہ نیچے اتر رہے تھے۔
 حادثے میں گوکوف کا ساتھی سرگئی گلازنوف جان سے ہاتھ دھوبیٹھے تھے تاہم گوکوف نے فوری طورپر ایس او ایس کا پیغام جاری کر دیا تھا جس پر انہیں بچانے کی کوششیں شروع کر دی گئیں۔
گوکوف کو بچانے کیلئے 26تا30 جولائی کے دوران 5کوششیں کی گئیں تاہم بادل آڑے آتے رہے۔