گرین پاکستان: سندھ میں موٹر وے پولیس نے 7300 پودے لگائے
گرین پاکستان مہم کے دوران صوبہ سندھ میں موٹروے پولیس نے 7300 پودے لگادیے۔
تسنیم خبررساں ادارے کی رپورٹ کے مطابق، ملک بھرمیں گرین پاکستان مہم جاری ہے جس کے تحت سندھ میں موٹروے پولیس نے 7300 پودے لگادیے ہیں
پولیس کا کہنا ہے کہ پودوں میں ماحول دوست پھل دار اور سایہ دار درخت شامل ہیں۔
موٹر وے پولیس کے اعلامیے کے مطابق آئی جی موٹرویز اینڈ ہائی ویز پولیس عامر ذوالفقار خان اور ڈی آئی جی کراچی محمد سلیم کی خصوصی ہدایات پر پورے صوبے میں گرین پاکستان مہم کے دوران شجر کاری مہم زور و شور سے جاری ہے۔
شجرکاری مہم کے پہلے مرحلے میں 10ہزار پودے لگانے کا ہدف مکمل کیا جائے گا۔