اربعین پر ہر ایک کشمیر کا پرچم اٹھائے۔ علی رضا پناہیان + ویڈیو

خبررساں ادارے تسنیم کے مطابق ایران کے معروف خطیب مولانا علی رضا پناہیان نے مظلوم کشمیریوں کی حمایت میں بیان دیتے ہوئے کہا ہے کہ اگر میرے بس میں ہوتا تو ضرور کہتا کہ اربعین امام حسین علیہ السلام میں شرکت کرنے والا ہر شخص کشمیر کا ایک پرچم اٹھائے، ایک ایسا پرچم جو ان مظلوموں کی علامت ہو۔

ایسے مظلوم کہ جن کا دفاع کرنے والا کوئی نہیں ہے لیکن اس حالت میں بھی ان کا جذبہ ایمانی کتنا عظیم ہے، یہ صرف خدا جانتا ہے۔

واضح رہے کہ کشمیر کی مظلوم عوام 7 دہائیوں سے ظلم و ستم کی چکی میں پس رہے ہیں۔ مقبوضہ وادی کی خصوصی حیثیت ختم کر کے بھارت نے 5 اگست سے وہاں کرفیو نافذ کر رکھا ہے۔