سعودی عرب کے وزیر خارجہ تبدیل، شاہی فرمان جاری
شاہی فرمان کے مطابق ابراہیم عبدالعزیز کی جگہ شہزادہ فیصل بن عبداللہ کو سعودی عرب کا نیا وزیرخارجہ مقرر کردیا گیا ہے۔
خبرسراں ادارے تسنمیم کے مطابق سعودی عرب کے بادشاہ سلمان بن عبدالعزیز نے شاہی فرمان جاری کرتے ہوئے ابراہیم بن عبدالعزیز العساف کو ان کے منصب سے سبکدوش کرکے شہزادہ فیصل بن عبداللہ آل سعود کو نیا وزیر خارجہ مقرر کردیا۔
شہزادہ فیصل نے پچھلے کچھ مہینوں سے جرمنی میں سعودی سفیر اور اس سے قبل واشنگٹن سفارتخانے میں سیاسی مشیر کی حیثیت سے خدمات انجام دی ہیں تاہم اب ان کو وزارت خارجہ کی ذمہ داری سونپ دی گئی ہے۔
واضح رہے سبکدوش ہونے والے سابق وزیر خارجہ ابراہیم بن عبدالعزیز العساف نے دسمبر 2018 میں عادل الجبیر کی جگہ لی تھی۔
