یمن فوج کی جوابی کارروائی میں متعدد سعودی اہلکار ہلاک

تسنیم خبررساں ادارے نے المیسرہ نیوز کے حوالےسے خبردی ہے کہ یمن اور سعودی عرب کی سرحدوں پر ہونے والی تازہ ترین جھڑپوں میں اتحادی افواج کے متعدد اہلکار مارے گئے ہیں۔

ذرائع کا کہنا ہے کہ سعودی اتحادی افواج نے یمنی فوجی ٹھکانوں پر قبضہ کرنے کی کوشش کی تاہم الحوثی قبائل اور سرکاری مسلح افواج کے جوانوں نے منہ توڑ جواب دیکر راہ فرار اختیار کرنے پر مجبور کردیا۔

یمنی سرکاری فوج کے ترجمان یحیی سریع کا کہنا ہے کہ امریکا اور اسرائیل کے حمایت یافتہ سعودی اتحادی افواج نے الجوف اور تعز کے سرحدی علاقوں پر زمینی اور فضائی حملے کئے جس کا بھرپور جواب دیا گیا۔

انہوں نے کہا کہ یمنی فوج کی جوابی کارروائی میں دسیوں سعودی اہلکار ہلاک یا زخمی ہوگئے ہیں۔