شہید استاد سبط جعفر کی 5ویں برسی آج منائی جارہی ہے

خبررساں ادارے تسنیم کے مطابق ملک بھر کی طرح کراچی میں شیعہ مسلمان اور شہید استاد سبط جعفر کے ہزاروں شاگردوں نے اپنے عظیم استاد کی یاد میں 5ویں برسی کا عقیدت و احترام سے منانے کا اہتمام کیا ہے۔

شہید استاد سبط جعفر 18 مارچ 2013ء کو تکفیری دہشت گردوں کے ایک حملے میں شہید ہوئے تھے۔

شہید سبط جعفر اردو مرثیہ کے بانیوں میں شمار ہونے کے ساتھ ساتھ ایک عظیم شاعر اہلبیت (ع) بھی شمار ہوتے ہیں کہ جنہوں نے اپنی پوری زندگی میں ہزاروں سوزخوانوں اور نوحہ خوانوں سمیت شاعروں کی تربیت کی جو رہتی دنیا تک اپنی خدمات انجام دیتے رہیں گے۔

برسی کے اجتماعات کا سلسلہ پورے ملک میں عقیدت و احترام کے ساتھ جاری ہے۔

شہید سبط جعفر پرمعروف شاعر قمر حسنین زیدی کا معروف مداح اہلبیت شجاع رضوی کی آواز میں پڑھا گیا کلام نوجوانوں میں بے حد مقبول ہے۔