ڈونلڈ ٹرمپ کم جونگ اُن سے آئندہ ماہ ملاقات کریں گے


ڈونلڈ ٹرمپ کم جونگ اُن سے آئندہ ماہ ملاقات کریں گے

امریکی صدر ڈونلڈ ٹرمپ شمالی کوریا کے رہنما کم جونگ اُن سے فروری کے مہینے میں دوسری ملاقات کریں گے۔

تسنیم خبررساں ادارے کے مطابق، امریکی صدر ڈونلڈ ٹرمپ سے شمالی کوریا کے اعلیٰ سفارت کار نے وائٹ ہاؤس میں ملاقات کی جو تقریباً ڈیڑھ گھنٹے جاری رہی، ملاقات میں دونوں ممالک کے درمیان آئندہ مذاکرات کا لائحہ عمل طے کیا گیا۔

وائٹ ہاؤس کے ترجمان کے مطابق امریکی صدر سے ملاقات میں شمالی کوریا کے سفارت کار نے کم جونگ اُن کا خط امریکی صدرکے حوالے کیا۔

یاد رہے کہ جون 2018 میں سنگاپور کے جزیرے سینٹوسا میں امریکی صدر ڈونلڈ ٹرمپ اور جنوبی کوریا کے سربراہ کم جونگ اُن کے درمیان ون آن ون تاریخی ملاقات جزیرہ سینٹوسا کے کیپیلا ہوٹل میں ہوئی تھی، دونوں رہنماؤں کی جانب سے مثبت تاثر سامنے آیا تھا۔

شمالی کوریا کے رہنما کم جونگ اُن کا کہنا تھا کہ ہم نے ماضی کو پیچھے چھوڑنے کا فیصلہ کیا ہے اور دنیا کو اہم تبدیلیاں نظر آئیں گی جبکہ امریکی صدر نے پریس کانفرنس میں صحافیوں سے بات کرتے ہوئے کہا تھا کہ ہرکوئی جنگ کرسکتا ہے لیکن صرف بہادر ہی امن لاسکتے ہیں۔

ڈونلڈ ٹرمپ نے میڈیا سے گفتگو کرتے ہوئے کہا تھا کہ شمالی کوریا کے سربراہ کم جونگ ان کو وقت آنے پر وائٹ ہاؤس ضرور بلاؤں گا۔

 

اہم ترین دنیا خبریں
اہم ترین خبریں
خبرنگار افتخاری