عمران خان کو ملک میں آمریت قائم کرنے کی اجازت نہیں دیں گے، بلاول

تسنیم خبررساں ادارے کی رپورٹ کے مطابق، پیپلز پارٹی کے چیئرمین بلاول بھٹو زرداری نے اس معاملے پر ٹوئٹر پر اپنے ردعمل میں کہا ہے کہ اسپیکر پر یہ ’حملہ‘ ناقابلِ قبول ہے اور ’سندھ حکومت کو گرانے کی غیرجمہوری کوشش پہلے بھی ناکام ہوئی اور اب بھی ہو گی۔‘
بلاول کا یہ بھی کہنا تھا کہ غیرجانبدار اداروں کو سیاسی انجینئرنگ کا حصہ نہیں بننا چاہیے۔
پیپلز پارٹی کے شریک چیئرمین آصف زرداری نے بھی اسپیکر کی گرفتاری کی مذمت کی ہے، ان کا کہنا تھا کہ نیب کا سامنا کرینگے، بہت ہوگیا، تحریک انصاف کی حکومت کو آٹھ نو مہینے دے دیے، اب مزید وقت نہیں دے سکتے ۔
ان کا کہنا تھا کہآغا سراج کو اسلام آباد سے گرفتار کرنے کی کیا ضرورت تھی؟اسپیکر کو گرفتار کرکے جمہوریت کو چینلج کیا گیا،آغا سراج درانی کو گرفتار کرنا ہی تھا تو کراچی سے گرفتار کرلیتے۔