وزیراعظم عمران خان آج ایک روزہ دورے پر لاہور جائیں گے


وزیراعظم عمران خان آج ایک روزہ دورے پر لاہور جائیں گے

وزیراعظم عمران خان آج لاہور کا ایک روزہ دورہ کریں گے، دورے کے دوران وزیراعظم سے گورنر اور وزیراعلیٰ پنجاب ملاقات کریں گے۔

تسنیم خبررساں ادارے کی رپورٹ کے مطابق،  وزیراعظم عمران خان آج لاہور کا ایک روزہ دورہ کریں گے۔ وزیر اعظم ملتان روڈ پرپودا لگا کر شجر کاری مہم کا آغازکریں گے۔

وزیراعظم عمران خان سے دورے کے دوران گورنر پنجاب چوہدری محمد سرور اور وزیراعلیٰ پنجاب سردار عثمان بزدار ملاقات کریں گے۔ وزیراعظم پنجاب کابینہ کے اجلاس کی صدارت بھی کریں گے۔

اس سے قبل 30 جون کو تحریک انصاف پنجاب کی قیادت نے وزیراعظم عمران خان سے ملاقات کی تھی وزیراعلیٰ پنجاب عثمان بزدار اور گورنر پنجاب چوہدری محمد سرور نے پنجاب کے سیاسی امور پر وزیراعظم کو آگاہ کیا تھا۔

اس موقع پر جنوبی پنجاب ایگزیکٹو کونسل کے سربراہ طاہر بشیر چیمہ اور اکرم چوہدری بھی شریک تھے۔ ملاقات میں پنجاب کی سیاسی صورت حال اور جنوبی پنجاب کے معاملات پر بھی تبادلہ خیال کیا گیا تھا۔

یاد رہے کہ رواں سال یکم مارچ کو وزیر اعظم عمران خان نے پنجاب کابینہ کے اجلاس کی صدارت کی تھی جس میں انہوں نے مقامی حکام کو ہدایت جاری کی تھی کہ زرعی رقبے پر کسی ہاؤسنگ اسکیم کی منظوری نہ دی جائے۔

 

اہم ترین پاکستان خبریں
اہم ترین خبریں
خبرنگار افتخاری