پاک فوج کے سربراہ کی ایرانی اعلی حکام سے ملاقاتیں+ تصاویر


پاک فوج کے سربراہ کی ایرانی اعلی حکام سے ملاقاتیں+ تصاویر

پاک فوج کے سربراہ جنرل قمرجاوید باجوا نے اسلامی جمہوریہ ایران کے صدر حسن روحانی سمیت اعلی حکام سے اہم ملاقتیں کیں۔

تسنیم خبررساں ادارے کی رپورٹ کے مطابق، پاکستانی فوج کے سربراہ جنرل قمرجاوید باجوا ایک اعلی سطحی وفد کے ہمراہ تہران پہنچے اور اسلامی جمہوریہ ایران کے صدرحسن روحانی، وزیرخارجہ محمدجواد ظریف اور ایڈمرل شمخانی سے اہم ملاقاتیں کیں۔

پاک فوج کے سربراہ نے گزشتہ روز ایرانی اعلیٰ حکام سے ملاقات میں دوطرفہ تعلقات اور پاک ایران سرحد پر سیکیورٹی کے معاملات پر گفتگو کی۔

ایرانی اعلی حکام نے پاک فوج کے سربراہ سے مطالبہ کیا کہ وہ ایرانی سرحدی محافظین کی بازیابی کے لئے سنجیدہ اقدامات کرے۔

جنرل قمرجاوید باجوا نے صدر حسن روحانی، وزیر خارجہ جواد ظریف اور ایڈمرل شمخانی کے ساتھ ہونے والی ملاقات میں دونوں ملکوں کے درمیان تعاون بڑھانے سمیت باہمی دلچسپی کے امور پر بات چیت کی۔

خیال رہے کہ گزشتہ سال پاکستان کے صوبے بلوچستان سے متصل ایرانی سرحد پر تقریباً 12 محافظین کودہشت گردوں نے اغوا کرلیا تھا جبکہ اس کی ذمہ داری ’جیش العدل‘ نامی دہشت گرد تنظیم نے قبول کی تھی۔

ایرانی حکام کے مطابق عسکریت پسندوں نے محافظین کو اغوا کے بعد پاکستانی علاقے میں منتقل کردیا تھا۔

مذکورہ واقعے کے فوراً بعد ایرانی وزیر خارجہ جواد ظریف اور پاکستانی وزیر خارجہ شاہ محمود قریشی کے درمیان فون پر گفتگو ہوئی تھی جس میں ایرانی وزیر خارجہ نے پاکستان سے سرحد پر سیکیورٹی میں اضافہ کرنے اور تعینات اہلکاروں کی تعداد بڑھانے سمیت دیگر اقدامات کرنے کی درخواست کی تھی۔

انہوں نے پاکستانی حکام پر زور دیا تھا کہ وہ دونوں ممالک کے مابین سمجھوتے کے تحت اغوا شدہ افراد کو بازیاب کروانے میں اپنا کردار ادا کریں  اور اس میں ملوث عسکریت پسندوں کو گرفتار کریں۔

  

اہم ترین پاکستان خبریں
اہم ترین خبریں
خبرنگار افتخاری