ایران؛  کورونا وائرس کی تازہ ترین صورتحال، مزید1 ہزار 869 افراد وائرس کا شکار

تسنیم خبررساں ادارے کی رپورٹ کے مطابق، وزارت صحت کے ترجمان "کیانوش جہانپور" کا کہنا ہے کہ ملک بھرمیں اب تک 1لاکھ 33ہزار5سو21 افراد کورونا وائرس کا شکار ہوچکے ہیں جن میں سے 1لاکھ 4ہزار72 افراد مکمل طور پر صحتیاب ہوکر گھروں کو لوٹ چکے ہیں۔
انہوں نے مزید کہا ہے کہ گزشتہ 24 گھنٹوں کے دوران، کرونا وائرس میں مبتلا 59 بیمار جان کی بازی ہارگئے اور مجموعی ہلاکتوں کی تعداد7359 ہو گئی ہے۔
انہوں نے کہا کہ ملک کے مختلف اسپتالوں میں زیر علاج 2 ہزار 633 افراد کی حالت تشویشناک ہے۔
انہوں نے ملک کے جنوبی صوبے خوزستان کی صورتحال کو غیر معمول قرار دیتے ہوئے کہا کہ خوش قسمتی سے گزشتہ 24 گھنٹوں کے دوران، ملک کے 14 صوبوں میں کرونا وائرس سے متاثرہ افراد کی شرح اموات صفر رہی۔