اہلسنت برادران کی ایرانی آئین کی تدوین میں شرکت سے پارلیمنٹ اور خبرگان کونسل میں مخصوص نشستوں تک

خبر رساں ادارے تسنیم کے مطابق آل سعود کا دعویٰ ہے کہ ایران میں اہل سنت پر ظلم ہو رہا ہے اور وہاں اہل سنت حضرات کے لئے حتیٰ مساجد تک موجود نہیں ہیں تاہم دلائل ثابت کرتے ہیں کہ ایران میں شیعہ اور سنی حضرات بھائیوں کی طرح مل کر رہتے ہیں۔

ایران میں اہل سنت کے مقام کے نام سے تسنیم نیوز ایجنسی نے ایک سلسلہ وار خبر شائع کرنا شروع کی ہے جس میں ابهی تک اہل سنت مکتبہ فکر کے مختلف علماء کے نظریات شائع ہوئے ہیں۔

اس کے ساتھ ساتھ تسنیم ایسے موضوعات کی اشاعت میں مصروف ہے جن سے دنیا کو معلوم ہوگا کہ ایران میں شیعہ اور سنی حضرات بھائیوں کی طرح مل کر رہتے ہیں۔

اس طرح سے تسنیم، آل سعود کا شیعہ سنی تفرقے کے حوالے سے بےبنیاد پروپیگنڈا ناکام کرنے کیلئے پرعزم ہے کہ ایران میں اہل سنت پر ظلم ہو رہا ہے اور ایران میں ان کے کچھ حقوق نہیں ہیں۔

شاید آپ جانتے ہوں گے کہ ایران کے آئین کا قانونی مسودہ تیار کرنے کے وقت اہلسنت سے تعلق رکھنے والی ناظر ٹیم بھی موجود تھی اور اس کے علاوہ خبرگان کونسل میں بھی اہلسنت کے نمائندے شامل ہیں جو امام خامنہ ای کی سرگرمیوں پر نظر رکھتے ہیں۔

واضح رہے کہ آبادی کے لحاظ سے آج ایرانی پارلیمنٹ کے 286 کرسیوں میں سے 18 نشستیں اہلسنت نمائندوں کیلئے مختص ہیں۔

مجلس خبرگان اسلامی جمہوریہ ایران میں 86 مذہبی رہنماؤں پر مشتمل ایک کونسل کا نام ہے جن کو عوامی انتخابات کے ذریعے 8 سال کے لیے منتخب کیا جاتاہے۔ اس مجلس کا کام ایران کے رہبر معظم (سپریم لیڈر) کا انتخاب کرنا اور ان کی سرگرمیوں کی نگرانی کرنا ہوتاہے۔

ایران کے موجودہ قانون کے مطابق اس مجلس کا سال میں 2 مرتبہ 2 دن کے لیے اجلاس ہونا لازمی ہے۔ اس مجلس کے موجودہ سربراہ آیت اللہ یزدی ہیں جن کا انتخاب مارچ 2015میں ہوا۔

ایران میں اہل سنت کے حوالے سے دلچسپ حقائق-1 کو ملاحظہ کرنے کیلئے یہاں، ایران میں اہل سنت کے حوالے سے دلچسپ حقائق-2 کیلئے یہاں اور ایران میں اہل سنت کے حوالے سے دلچسپ حقائق-3 کیلئے یہاں، ایران میں اہل سنت کے حوالے سے دلچسپ حقائق-4 کیلئے یہاں، ایران میں اہل سنت کے حوالے سے دلچسپ حقائق-5 کیلئے یہاں، ایران میں اہل سنت کے حوالے سے دلچسپ حقائق-6 کیلئے یہاں اور ایران میں اہل سنت کے حوالے سے دلچسپ حقائق-7 کیلئے یہاں کلک کریں۔